Dobitë e përdorimit të Misvakut (Ibnul Kajim el-Xheuzijeh)

Thotë Ibnul Kajim el-Xheuzijeh (Allahu e mëshiroftë) në librin e tij “Zadul Mead” (4/296):
“Misvaku ka disa dobi:
1- Pastron gojën.
2- Forcon mishin e dhëmbëve.
3- Ndalon gëlbazën.
4- Pastron shikimin.
5- Largon zverdhjen e dhëmbëve.
6- Shëron stomakun.
7- Pastron zërin.
8- Ndihmon në tretjen e ushqimit.
9- Lehtëson rrugët e të shprehurit.
10- Të bën aktiv ndaj leximit.
11- Të bën aktiv ndaj përmendjes së Allahut.
12- Të bën Aktiv ndaj namazit.
13- Largon gjumin.
14- Kënaq Allahun.
15- Melaiket e pëlqejnë.
16- I shton veprat e mira.”

Shkencat e Hadithit dhe lidhjet e tyre

Sigurisht se Ne e kemi Zbritur Porosinë dhe Ne do ta ruajmë atë (nga ndryshimi).[15:9]
Premtimi i dhënë nga Allahu në Kur’an evidentisht është përmbushur në dëlirësinë e pakontestueshme të tekstit Kur’anor përgjatë katërmbëdhjetë shekujve që nga shpallja e tij. Sidoqoftë, ajo që shpesh harrohet nga shumë Muslimanë është se premtimi hyjnor gjithashtu përfshinë edhe Sunetin e Pejgamberit (salallahu alejhi ue selam), sepse Suneti është shembull praktik i implementimit të udhëzimit Kur’anor, urtësia që iu mësua Pejgamberit (salallahuh alejhi ue selam) krahas shkresës, dhe se as Kur’ani e as Suneti s’mund të kuptohen ashtu si duhet pa njëri-tjetrin. Allahu e ruajti Sunetin duke iu mundësuar sahabëve (shoqëruesve të Pejgamberit) dhe atyre që erdhën më pas që t’i mbajnë në mend, shkruajnë dhe përcjellin thëniet e Pejgamberit (salallahu alejhi ue selam), përshkrimin e rrugës së tij, si dhe të vazhdojnë bekimet e të praktikuarit Sunetin. Më vonë, meqë dëlirësia e diturisë së Sunetit u kërcënua, Allahu bëri që Umeti Musliman të prodhojë individë me aftësi të jashtëzakonshme e të mbajturit mend dhe ekspertizës analitike, të cilët udhëtuan palodhshëm që të përmblidhnin mijëra rrëfime dhe të cilët veçuan fjalët e vërteta të urtësisë Pejgamberike nga ato të shtrembëruara nga kujtesa e dobët, prej falsifikimeve të gënjeshtarëve të pandërgjegjshëm, dhe prej thënieve të një numri të madh ulemashë (dijetarësh), sahabëve dhe atyre që ndoqën rrugën e tyre. E tërë kjo qe arritur përmes përkujdesjes precize ndaj fjalëve të kumtuara, dhe intimitetit të detajuar me biografitë e mijëra transmetuesve të hadithit. Në këtë artikull është dhënë një shqyrtim i shkurtër i terminologjisë dhe klasifikimit të hadithit.
Komponentët e Hadithit
Hadithi është i përbërë prej tri pjesëve:
Matn-it (teksti), isnad-it (zinxhiri i transmetuesve), dhe taraf-it (pjesa apo fillimi i fjalisë së tekstit i cili i referohet thënieve, veprave apo karakteristikave të Pejgamberit (salallahu alejhi ue selam), ose ujdinë e tij me veprat e të tjerëve). Autenticiteti i hadithit varet nga besueshmëria (serioziteti) i transmetuesve të tij dhe lidhjes në mes tyre. Klasifikimi i hadithit
Është bërë një numër i klasifikimeve të hadithit. Pesë nga këto klasifikime janë sqaruar shkurtimisht më poshtë.
1. Sipas referencës ndaj një autoriteti të veçantë mund të identifikohen katër lloje të hadithit.
– Kudsi – hyjnor; shpallje nga Allahu; e ritransmetuar me fjalët e Pejgamberit (salallahu alejhi ue selam).
– Merfu – i ngritur; rrëfim nga Pejgamberi (salallahu alejhi ue selam), d.m.th. dëgjova Pejgamberin duke thënë…
– Meukuf – i ndalur; rrëfim vetëm nga një sahab, d.m.th., ne qemë të urdhëruar…
– Mektu – i ndarë (këputur): rrëfim nga një pasues (Tabi’in).
2. Sipas lidhjeve të Isnadit – i ndërprerë apo i pandërprerë Mund të identifikohen gjashtë kategori.
– Musned – i përkrahur: hadith që është transmetuar nga një tradicionalist, bazuar në atë çka ai ka mësuar nga mësuesi i tij në kohën e përshtatshme për mësim; ngjashëm – me rend – për secilin mësues derisa isnadi ta mbërrijë një sahab mirë të njohur, i cili sipas rendit, transmeton nga Pejgamberi (salallahu alejhi ue selam).
– Mutessil – i vazhdueshëm: hadith me isnad të pandërprerë, i cili shkon prapa vetëm deri te një sahab apo pasues.
– Mursel – i ngutur: nëse lidhja në mes të pasuesit dhe Pejgamberit (salallahu alejhi ue selam) mungon, d.m.th. kur një pasues thotë “Pejgamberi ka thënë…”.
– Munketi – i thyer: është hadithi lidhja e të cilit kudo para pasuesit (d.m.th. afër me tradicionalistin që e transmeton hadithin) mungon.
– Mu’adel – hutues: është hadithi transmetuesit e të cilit kanë lënë jashtë dy ose më shumë transmetues të vijueshëm në isnad.
– Mu’allek – i varur: është hadithi transmetuesi i të cilit lë jashtë tërë isnadin dhe citon Pejgamberin (sallallahu alejhi ue selam) drejtpërdrejt (d.m.th. lidhja mungon në fillim).
3. Sipas numrit të transmetuesve të përfshirë në secilën etapë të Isnadit Mund të identifikohen pesë kategori të hadithit:
– Muteuatir – i vijueshëm: është hadithi i cili transmetohet nga një numër aq i madh njerëzish sa që s’mund të pritet prej tyre që të pajtohen në të pavërtetën, të gjithë së bashku.
– Ehad – i izoluar: është hadithi i cili transmetohet nga njerëz numri i të cilëve nuk e arrinë atë të muteuatir-it.
Më tutje klasifikohet në dy
– Mesh’hur – i famshëm: hadith i transmetuar nga më shumë se dy transmetues.
– Aziz – i rrallë, i fortë: në cilëndo etapë të isnadit, vetëm dy transmetues janë identifikuar që transmetojnë hadithin.
– Garib – i pazakonshëm: Në një etapë të isnadit gjendet vetëm një transmetues që e transmeton atë.
4. Sipas natyrës së tekstit dhe isnadit
– Munker – i zhvlerësuar: është hadithi që është transmetuar nga një transmetues i dobët,
dhe transmetimi i të cilit kundërshton hadithin tjetër autentik.
– Mudrexh – i futur: shtesë që i është bërë rrëfimit në tekstin e hadithit nga një transmetues.
5. Sipas besueshmërisë dhe kujtesës së transmetuesve
Kjo jep verdiktin përfundimtar mbi hadithin – mund të identifikohen katër kategori:
– Sahi – i shëndoshë. Imam Shafi’i shpall kërkesat vijuese për hadith, i cili nuk është muteuatir, që të jetë i pranueshëm: “secili transmetues duhet të jetë i besueshëm në fenë e tij. Ai duhet të jetë i njohur si i sinqertë në të rrëfyerit e tij, të kuptojë atë që e rrëfen, të dijë sesi një shprehje e ndryshme mund të ndërrojë kuptimin, dhe të transmetojë hadithin fjalë për fjalë, jo vetëm kuptimin e tij”.
– Hasen – i mirë: është ai, burimi i të cilit dihet dhe transmetuesit e tij janë të qartë.
– Da’if – i dobët: hadithi që s’mund ta arrijë statusin e hasen-it. Zakonisht, dobësia është:
a) ndërprerja në isnad, në ç’rast hadithi mund të jetë – sipas natyrës së ndërprerjes – munketi (i thyer), mu’allak (i varur), mu’adel (hutues), ose mursel (i ngutur), ose b) njëri
nga transmetuesit ka karakter të ulët për shkak të tregimit të gënjeshtrave, gabimeve të shpeshta, është në kundërshtim me burime më të besueshme, përfshihet ne risi (bidate), apo dykuptimësia që e rrethon personin e tij.
– Meudu’ – i fabrikuar ose falsifikuar: është hadithi teksti i të cilit bie në kundërshtim me normat e vendosura të thënieve të Pejgamberit, apo transmetuesit e tij përfshijnë edhe gënjeshtarë. Hadithet e fabrikuara po ashtu njihen prej dëshmisë së jashtme të lidhura me mospërputhjen e gjetur në data apo kohëra të ngjarjes se caktuar.

DISA KËSHILLA TË DOBISHME!!

1. Nëse njerëzit i sheh se mahniten me ty, dije se ata mahniten me atë të bukurën që Allahu e paraqiti nga ti, dhe ata nuk e dinë atë të keqen që ta fshehu Allahu nga ta. Për këtë arsye falënderoje Allahun dhe mos u bë kryelartë!!
2. Nëse donë të bëhesh i lumtur, mos u ndal në kujtimet e të kaluarës tënde, dhe mos i shko pas njeriut i cili nuk mendon për ty. Askush nuk vdes nga ndarja e ndokujt, dhe falënderoje Allahun për begatinë e harresës!!
3. Mos të jetë aspirata jote që të bëhesh më i mirë se të tjerët, po le të jenë aspiratat e tua që ti të bëhesh më i mirë për veten se sa ke qenë më herët!!
4. Mendjet zvogëlohen kur merren me mendjet e të tjerëve, dhe mendjet rriten kur merren me veten!!
5. Heshtja në momente të rënda jep si fryt respektin, krahas polemikës dhe debatit, i cili jep urrejtjen dhe përçarjen!
6. Sillu me çdo njeri si të jetë më i rëndësishmi në jetën tënde. Jo se ajo do të bën që ti të ndjehesh i lumtur, po do të kesh numër më të madh të shokëve që do ta kthejnë po me të njëjtën ndjenjë!!
7. Shoqërohu me njerëzi pozitiv, ngase ata do të ndikojnë në mendimet e tua, dhe mendjen tënde, dhe sjelljet e tua, dhe ti do të shndërrohesh në personalitet pozitiv, pa e ndje atë aspak, dhe pastaj do të fillosh që ti të ndikosh tek të tjerët!!
8. Nëse të këshillon njeri me ashpërsi, mos e ndërpre, dhe përfito nga vërejtjet e tij. Pas ashpërsisë së tij ka dashuri të thellë! Për këtë mos u bën sikurse ai që e theu orën me alarm, e cila nuk kishte asnjë faj tjetër përveç se që e zgjoi nga gjumi!!
9. Buzëqeshja nuk të blen bukë .. po të blen shpirtra!! I lartësuar qoftë Allahu që e bëri buzëqeshjen në fenë tonë adhurim që të shpërblehemi për të!!
Nga arabishtja: Irfan JAHIU

SHTATË KËSHILLA PËR TA PËRFORCUAR IMANIN

1- Falja e namazit në kohën e vet për arsye se është vepër e cila të afron kah Allahu.
2- Përmendja e Allahut edhe nëse ajo është vetëm se pesë minuta brenda një ore.
3- Lutja e vazhdueshme për çdo ditë me vendosmëri dhe me mbështetje në Allahun.
4- Përkujdesja për leximin e Kuranit për çdo ditë që mos të bëhemi nga të shkujdesurit.
5- Largimi nga shoqëria e keqe dhe me moral të ligë.
6- Dërgimi i salavateve mbi të Dërguarin e Allahut, lavdia dhe paqja e Allahut qofshin mbi të, dhjetë herë në mëngjes dhe dhjetë herë në mbrëmje, dhe kërkimi i faljes një qind herë brenda dite.
7- Agjërimi i ditës së Hënë dhe të Enjte sipas mundësive dhe poashtu edhe agjërimi i ditëve të bardha.
Nga arabishtja: Irfan JAHIU

Një lutje madhështore profetike

Profeti Muhamed, lavdia dhe bekimi i Allahut qofshin mbi të, i tha Shedad b. Eusit:

“Shedad, kur të shohësh se njerëzit kanë grumbulluar arin dhe argjendin si thesarë të tyre, le të jenë këto fjalë thesari yt:
“O Allah, më jep qëndrueshmëri në fe,

Vendosmëri në punë të mira,

Punë që sjellin mëshirën Tënde,

Më jep faljen Tënde,

Më mundëso të të falënderoj për begatitë,

Të të adhurojë mirë,

Më jep zemër të shëndoshë,

Gjuhë të sinqertë,

Me jep të mirat që Ti i di,

Më mbroj nga të këqiat që Ti i di,

Kërkoj faljë nga ato (mëkate) që Ti i di,

Vërtet Ti i di të fshehtat.”

Silsiletul ehadithisahiha 3228

5 hadithet e trilluara

Hadithe te trilluara (meudua) qe nuk lejohet perhapja e tyre dhe as argumentimi me to:
1. ” Ate qe namazi i tij nuk e ndalon nga imoraliteti dhe veprat e ndaluara, nuk ka namaz per te.”
2. ” Afrohuni tek Allahu me poziten time, sepse ajo eshte e larte tek Allahu.”
3. ” Biseda ne xhami i ha veprat e mira ashtu sic ha zjarri drute.”
4. ” Ai qe prish abdesin dhe nuk merr perseri abdes, atehere nuk me ka respektuar mua.”
5. ” Ai qe kryen haxhin dhe nuk me viziton mua, atehere nuk me ka respektuar.”
Keto jane disa nga hadithet apo fjalet qe i jane mveshur padrejtesisht Profetit alejhi selam dhe dijetaret i kane zbuluar dhe klasifikuar si te trilluara, prandaj asnje muslimani nuk i lejohet perhapja e haditheve te tilla dhe as argumentimi me to.
Sqarim: Per gjykimin e ketyre haditheve si te trilluara i jemi permbajtur gjykimit te Shejh Albanit

Si u soll Profeti alejhi selam me gruan që qante tek varri?

Percillet nga Enes bin Malik se Profeti alejhi selam iu afrua nje gruaje qe po qante prane nje varri dhe i tha asaj: ” Frikesoju Zotit dhe bej durim!” Ajo pa e njohur kush ishte iu pergjigj: ” Largohu nga une se ty nuk te ka ndodhur ajo qe me ka ndodhur mua!” Profeti alejhi selam pas ketyre fjaleve u largua nga ajo. Kur te pranishmit e njoftuan se personi qe e keshilloi ishte vete Profeti alejhi selam, ajo nxitoi drejt shtepise se tij per tu shfajesuar dhe nuk gjeti rojtare tek dera, por Profeti alejhi selam i tha: ” Durimi i vertete eshte qe ne momentet e para.”
(Muslimi)
Dobite e hadithit:
1. Dhembshuria e Profetit alejhi selam, me keshillen qe i dha gruas.
2. Korigjimi i gabimit – promovimi i te mires dhe ndalimit nga e keqja – te gruas nga Profeti alejhi selam, e cila po qante pertej kufijve te lejuar.
3. Mosreagimi i Profetit alejhi selam pas fjaleve te pahijshme te gruas tregon se ai asnjehere nuk hakmerrej per vetveten, por vetem kur cenoheshin kufijte e Allahut.
4. Profeti alejhi selam e justifikoi dhe toleroi gruan per shkak te gjendjes se renduar emocionale te saj.
5. Gruaja iu pergjigj ne ate menyre Profetit alejhi selam, sepse nuk e njohu ate dhe kjo tregon se gabimet qe kryhen nga padituria duhet te tolerohen dhe i padituri te mesohet.
6. Fakti qe gruaja nuk e njohu Profetin alejhi selam tregon thjeshtesine e tij ne veshje, duke mos u dalluar nga sahabet e tjere.
7. Durimi i vertete eshte qe ne momentet e para te veshtiresise, sepse durimi me pas mund te jete thjesht dorezim apo pamundesi e njeriut per te ndryshuar situaten.